Skogbrann i Førde
Fredag kveld byrja det å brenne i eit skogsområde like ved Førde sentrum. Klokka 19.25 melder politiet at brannen er sløkt. – Circa 100 kvadratmeter er brent eller svidd, og det er førebels ikkje meldt inn noko som indikerer årsak, seier Bjarte Rebnord i politiet til NRK. Det blei sendt inn brannmannskap i området som starta sløkking med piskar medan dei jobba fram vatn. Skogsområdet ligg mellom to bustadområde. – Brannvesenet vil vere der i forbindelse med ettersløkking, men har i utgangspunktet kontroll på at det ikkje spreier seg meir, seier Rebnord.
![Skogbrann i Førde](https://gfx.nrk.no/jE_a5n613c1D3jn85z3L9AyGj9TVEKb9nCIL3UH4ATug.jpg?#)