Stoppar salet av Ozempic som «slankemedisin»

Frå 1. juli 2024 har DMP bestemt at apotek ikkje får levere ut norske pakningar med Ozempic til pasientar med kvit resept.

Formålet er å sikre at tilgjengelege pakningar blir leverte ut til diabetespasientar med blå resept, skriv Direktorat for medisinske produkter.

Det er også bestent at diabetespasientar med blå resept skal berre

Bruken av medisinen Ozempic har eksplodert det siste året.

Sjølv om medisinen er laga for dei med diabetes 2, har svært mange begynt å bruka det for å slanka seg.

Forbruket har vore så høgt at apoteka har gått tomme, og Noreg har kjøpt inn rådyre medisinar frå utlandet.

Totalt har det kosta felleskapet 1,2 milliardar kroner så langt i år, viser heilt nye tal frå Direktoratet for medisinske produkter (DMP).

Det er nesten like mykje som heile fjordåret til saman.

Må rasjonera

Tysdag føree veke godkjente Stortinget ei lov som opnar for å rasjonere medisinar det er kritisk mangel på i Noreg.

Blant anna vart det kjent at legar ikkje lenger kunne skrive ut blå resept på berre Ozempic til diabetspasientar.

Skal ein ha medisinen, må ein også ta annan medisin, som for eksempel insulin.

Den lova trer i kraft frå i dag av.

Men førre veke ville ikkje DMP seie noko om salet av Ozempic generelt. For legar kan nemleg skrive ut kvit resept på legemiddelet, blant anna til personar som brukar det for å slanka seg.

Kvit resept betyr at pasienten betalar medisinen heilt sjølv. Ifølge Apotekerforeningen er det solgt 40 000 pakkar mot fedme på kvit resept så langt i år.

Går ut over dei med diabetes

I dag er det rundt 60 000 personar som brukar Ozempic mot diabetes 2 i Noreg.

Men det er også kjent at nokon har fått det på blå resept mot slanking. Det er ikkje lov, og det er det styresmaktene vil stansa no.

Dette går ut over diabetespasienar, seier kommunikasjonsansvarleg i Diabetesforbunder, Ingvild Eilertsen.

– Me får jo allereie tilbakemeldingar frå diabetespasientar som dette gjeld. Blant dei er mange fortvila over at dei no må avbryta behandlinga og slutta med ein medisin som dei oppgir, seier ho.

Svært populær medisin

Ozempic er i utgangspunktet ein medisin utvikla mot diabetes 2. Sidan han også reduserer appetitt, gjer han det lettare for folk å gå ned i vekt.

Medisinen blir produsert av det danske selskapet Novo Nordisk, som har hatt ein ekstrem vekst dei siste åra på grunn av «slankemedisinane» sine.

NRK har tidlegare skrive om regjeringa sitt ønske om å hindre at pasientar utan diabetes får diabetesmedisinar med slankande effekt på blå resept.