SAS-streiken er over

Fellesforbundet og NHO Luftfart blei tysdag morgon einige om ein ny avtale for dei kabintilsette i SAS, etter å ha forhandla sidan måndag kveld.

Streiken som starta fredag er med det over.

Forbundsleiar i Fellesforbundet Jørn Eggum er svært nøgd med resultatet.

– Dei viktigaste krava våre er innfridde. Vi har avtalt ein solid lønnsauke, meir helgefri og ordentlege matpausar på bakken, seier han i ei pressemelding.