NRKs reportasjeteam Jan Espen Kruse og fotograf Lokman Ghorbani vart svært nære eit rakettangrep i Ukrainas hovudstad Kyiv måndag føremiddag.
Ukrainske styresmakter bad folk i området om å søka dekning for det russiske angrepet. Også Kruse og Ghorbani fekk den beskjeden.
– Alarmen gjekk og me søkte dekning i ein metrostasjon like ved. Etter høyrde me fleire eksplosjonar like ved, fortel Kruse.
Det er usikker kva som var målet for angrepet, men Kruse rapporterer om tre til fire eksplosjonar.
– Eksplosjonane var kolossale. Folk er skokkskadd, og nokon er fysisk skadd, seier Kruse.
Det er enno ikkje kjent kor mange som vart skadd i angrepet.
Russiske angrep midt på dagen i Kyiv er uvanleg, legg Kruse til.
English (US)