Hunter Biden funnen skuldig i våpensaka

Juryen brukte tre timar på å komme fram til ei avgjerd.

Joe Bidens son var tiltalt på tre punkt. Eitt av dei handla om ulovleg oppbevaring av våpen og to om at han skal ha loge om narkotikaforbruket sitt da han kjøpte eit skytevåpen i 2018.

Biden skal ha hatt det aktuelle våpenet i elleve dagar før hans brors enke fann det og kasta det i søpla.

Saka har trekt nokre av dei mørkaste kapitla i Hunter Bidens liv fram i offentlegheita. Han har sjølv fortalt ope om bruket sitt av crack og korleis han klarte å slutte for over fem år sidan.

Forsvaret har prøvd å bevise at Biden ikkje såg seg sjølv som «avhengig» da han underteikna våpendokumenta.

Rettssaka har gått i Wilmington i heimstaten til familien Delaware.