Éin person til sjukehus etter brann i bygning i Bergen

Siste: Like før klokka 14.30 melder brannvesenet at brannen er sløkt.

Éin person er meld skadd og frakta til sjukehus etter ein brann i ein bygning i Bergen.

Klokka 14.09 melder politiet at brannen er slått ned, men at heile bygninga må kontrollerast før den kan bli meldt sløkt.

– Ein god del bebuarar er evakuerte, melder politiet.

Mange av leilegheitene i bygarden ser ut til å vere ubebuelege.

Det skal vere mykje folk i området og politiet ber skodelystne om å halde seg unna.

Nye Sandviksvikveien ved krysset ved Ladegårdsgaten er heilt stengt som følge av hendinga.

Brannvesenet er inne med røykdykkarar og søker gjennom heile bygget.

– Førebels ikkje funne personar, heller ikkje meldt om sakna personar, melder politiet klokka 14.05.