24-åring dømd til 13 års forvaring

Det melder Bergensavisen og TV2.

Bestekompisen fekk den knuste flaska i halsen og døydde av forblødning.

24-åringen nekta straffskuld, og forsvararen argumenterte for at han berre kunne dømmast for kroppsskade med døden til følge.

Mannen er no funne skuldig i drap, og dømd til 13 års forvaring samt å betala erstatning til avdøde sine foreldre.

Den strenge dommen begrunnast med fare for gjentaking.

Leikeboksa

Hendinga skjedde i Løvstakkvegen i Bergen romjula 2022.

To andre menn var til stades i leiligheita då det skjedde, men desse vart etter kort tid lauslatt.

Dei to og ein tredje kamerat hadde drukke øl og vodka, og på eit tidspunkt bestemde den dømde 24-åringen og offeret seg for å leikebokse. 24-åringen skal då ha fått eit kutt i panna og blitt provosert.

– Eg var sint, men ville berre skremme. Han kom mot meg. Eg gjorde ein brå røyrsle og oppdaga at flaskedelen råka han i nakken. Eg var heilt i sjokk og forvirra, sa han i retten ifølgje BA.

– Det var ei tragisk ulukke. Det var aldri meininga å skada han eller drepe han. Han var min beste venn.

Gamle vener

Dei to skal ha kjend kvarandre sidan dei flykta frå Sudan.