Person hamna i elv i Sogndal – alle nødetatar er sende ut

Alle nødetatar er sende ut etter at politiet i Sogndal fekk melding frå forbipasserande om at ein person har hamna i Sogndalselvi.

Meldinga kom 14:43.

Det er mykje vatn og sterk straum i elva, melder politiet.

Mannskap frå brannvesenet var først på staden og henta personen opp på eit berg i elva.

Klokka 15:48 landa luftambulansen. Sidan kom også eit redningshelikopter.

Politioverbetjent Svein Inge Krogh Harberg opplyser at det er ukjent årsak til hendinga, og at dei så langt ikkje kjenner identiteten til personen.

– Personen er teken i land på ei øy i elva. Eg kan ikkje seia meir om tilstanden, seier han.

Sogndalselvi er ei elv i Sogndal kommune i Sogn og Fjordane. Den er hovudelva i Sogndalsvassdraget og renner frå Dalavatnet til Sogndalsfjorden.