Alle nødetatar er sende ut etter at politiet i Sogndal fekk melding frå forbipasserande om at ein person har hamna i Sogndalselvi.
Det er mykje vatn og sterk straum i elva, melder politiet.
Mannskap frå brannvesenet var først på staden og henta personen opp på eit berg i elva.
Klokka 15.48 landa luftambulansen. Sidan kom også eit redningshelikopter.
Politioverbetjent Svein Inge Krogh Harberg opplyser at det er ukjent årsak til hendinga.
– Personen er teken i land på ei øy i elva. Eg kan ikkje seia meir om tilstanden, seier han til Sogn Avis.
Publisert 03.09.2024, kl. 16.15
English (US)