Filma syklisten på Mosseveien: Politiet vil ha videoen

Sjåføren som filma da ein syklist blei angripen på Mosseveien onsdag, har blitt kontakta av Oslo politidistrikt, melder VG.

Fredag ettermiddag fortel yrkessjåføren dette til NRK om samtalen:

– Oslo politidistrikt ringde meg. Dei bad om å få videoen og sa det var ein pågåande etterforsking, seier Knut Berge.

Dashbordkamera på bilen hans filma konfrontasjonen mellom bilisten og syklisten på Mosseveien, ved avkøyringa frå Nordstrand i Oslo.

Berge har ikkje blitt bedt om å kome inn til avhøyr hos politiet.

Tuta for å få dei til å stoppe

Torsdag opplyste politiet at dei ikkje melde bilisten for vald, men oppfordra begge partar til å kontakte politiet om dei ville melde saka.

Knut Berge fortalde at han tuta for å få dei til å stoppe, men valde å halde seg unna situasjonen.

– Det er ikkje riktig at folk slåst slik. Eg har aldri opplevd noko liknande tidlegare, seier han fredag.

NRK har òg vore i kontakten med bilføraren tidlegare, som ønskjer å vere anonym.

– Eg er lei meg for at dette skjedde. Eg køyrde etter han for å få ordna forsikringa etter at han hadde øydelagt spegelen min, fortel han.

Tøffare klima på vegane

Heller ikkje NAF er vant med konfrontasjonar av dette kaliberet på vegane.

– Det er heldigvis sjeldan vi ser at det blir så alvorleg som dette, seier Jan Harry Svendsen, som er rådgjevar for trafikksikkerheit i NAF.

NAF har ikkje tal på at det er fleire uønskte hendingar, men dei er mykje på vegen ser ein hardare tone både i trafikken og i diskusjonsforum på nett.

– At det har blitt eit tøffare klima mellom syklistar og bilistar er det ingen tvil som, seier Svendsen.