Brann- og ambulansearbeidarar har ikkje rett på erstatning dersom dei får varige skadar under øving.
I Flekkefjord måtte dei denne veka øve på utrykking, evakuering og sikkerheit.
Men motsetning til politiet er ikkje brann- og ambulansearbeidarar sikra erstatning dersom dei får varige skadar under øving.
– Det er veldig dumt at det er sånn. Eg veit ikkje kvifor. Men det burde vere likt for alle. Det seier Gina Camilla Hauge.
Ho er lærling i ambulansen. Hauge og fleire andre deltok på øvinga i Flekkefjord.
Regjeringa er klar over problemet og seier det blir jobba med fleire endringar på dette feltet.
– Det er ei stor og komplisert oppgåve. Målet er veldig klart. Det skal vere eit enkelt system og regelverk. Vi ser at det no har fleire svakheiter, seier Bjørn Skjæran, arbeidspolitisk talsperson frå Ap.
English (US)