Etterforskar trugslar i Eurovision

Fredag kveld kom nyheita om at den nederlandske Eurovision-deltakaren Joost Klein hadde blitt nekta å synge føre juryen.

EBU og svensk politi sa dei undersøkjer ei hending med artisten, men ville ikkje gå meir i detalj.

I dag melder svensk politi at dei etterforskar ulovlege truslar under Eurovision.

– Vi har ei sak om ein mann som er mistenkt for ulovlege truslar i Malmö Arena.

Fleire utanlandske medium skriv at det er Klein som er mistenkt.

Avhøyrt fleire vitne

Hendinga skal ha gått føre seg torsdag kveld, men meldt til politiet fredag, seier Evelina Olsson i politiet til Aftonbladet.

Ifølge informasjon avisa har fått tilgang til, er Klein mistenkt for å ha utstett trugslar mot ei kvinne som jobba med tv-produksjonen.

Også den nederlandske avisa AD og statskanalen NOS skriv at politiet har stadfesta at etterforskinga omhandlar Klein.

Ein pressekontakt i politiet i Malmo seier til NRK at dei ikkje namngir mistenkte i ei etterforsking.

Politiet seier til NRK at den råka er ein medarbeidar i ESC.

Dei seier også at dei har avhøyrt vitne og sett i gang med etterforskingstiltak.