.jpg?#)
Høgsterett: Forbyr MC-klubben Satudarah
Høgsterett har kome fram til at Satudarah MC er ei kriminell samanslutning, og er forbode, skriv dei i ei pressemelding. Dei stadfestar med det avgjerda til tingretten. Motorsykkelklubben er også forbode i Tyskland og Nederland. – Her har Høgsterett løfta blikket frå Noreg, og starta i utlandet. Det er underleg å straffe nokon i Noreg for handlingar andre har gjort i Nederland, men vi må ta rettsavgjerda til etterretning, seier advokat John Christian Elden til NRK. Han representerer den nedlagde klubben. – Den er så vidt konkret og gjeld ei nedlagd samanslutning, så eg trur ikkje konsekvensane blir så store. Høgsterett legg til grunn at deltakarar i klubben fleire gongar har gjort alvorlege lovbrot som kan skape frykt i samfunnet. Forbodet er naudsynt for å kunne førebyggje slik kriminalitet. Sjølv om klubben omtalar seg sjølv som ein MC-klubb som er open for minoritetar, meiner Høgsterett at interessa for motorsyklar verkar å vere underordna. Høgsterett seier at dei to avdelingane i Stavanger og Oslo må bli vurdert som ei samanslutning, som igjen er ein del av ei internasjonal samanslutning.
Høgsterett har kome fram til at Satudarah MC er ei kriminell samanslutning, og er forbode, skriv dei i ei pressemelding.
Dei stadfestar med det avgjerda til tingretten.
Motorsykkelklubben er også forbode i Tyskland og Nederland.
– Her har Høgsterett løfta blikket frå Noreg, og starta i utlandet. Det er underleg å straffe nokon i Noreg for handlingar andre har gjort i Nederland, men vi må ta rettsavgjerda til etterretning, seier advokat John Christian Elden til NRK.
Han representerer den nedlagde klubben.
– Den er så vidt konkret og gjeld ei nedlagd samanslutning, så eg trur ikkje konsekvensane blir så store.
Høgsterett legg til grunn at deltakarar i klubben fleire gongar har gjort alvorlege lovbrot som kan skape frykt i samfunnet. Forbodet er naudsynt for å kunne førebyggje slik kriminalitet.
Sjølv om klubben omtalar seg sjølv som ein MC-klubb som er open for minoritetar, meiner Høgsterett at interessa for motorsyklar verkar å vere underordna.
Høgsterett seier at dei to avdelingane i Stavanger og Oslo må bli vurdert som ei samanslutning, som igjen er ein del av ei internasjonal samanslutning.
