Buss har velta i Årdal – har berga fem folk ut
Klokka 10.03 melder brannvesenet om ein buss som har velta på Tyinosvegen i Årdal. Det er fire passasjerar og ein bussjåfør i bussen. – Alle har det etter forhalda greitt, og det er ikkje meldt om personskadar, opplyser Svein Erik Reistad i 110 Vest. Bussen ligg med dørene ned og passasjerane treng assistanse for å kome seg ut. Brannvesenet vil truleg måtte klatre oppe og ta seg inn gjennom ei rute. Arn Roger Haugland, nettsjef i Straumnett, var ute på feilretting av straumnettet då han kom til staden og fekk med seg bussvelten. – Det var heldigvis roleg fart, og bussen sklei ut på sida og velta ned. Haugland fekk deretter kontakt med bussjåføren og fekk bekrefta at alle var i god behald, medan dei venta på brannvesenet. Klokka 11.17 melder politiet at alle har kome seg ut av bussen og verkar uskadde.
Klokka 10.03 melder brannvesenet om ein buss som har velta på Tyinosvegen i Årdal.
Det er fire passasjerar og ein bussjåfør i bussen.
– Alle har det etter forhalda greitt, og det er ikkje meldt om personskadar, opplyser Svein Erik Reistad i 110 Vest.
Bussen ligg med dørene ned og passasjerane treng assistanse for å kome seg ut. Brannvesenet vil truleg måtte klatre oppe og ta seg inn gjennom ei rute.
Arn Roger Haugland, nettsjef i Straumnett, var ute på feilretting av straumnettet då han kom til staden og fekk med seg bussvelten.
– Det var heldigvis roleg fart, og bussen sklei ut på sida og velta ned.
Haugland fekk deretter kontakt med bussjåføren og fekk bekrefta at alle var i god behald, medan dei venta på brannvesenet.
Klokka 11.17 melder politiet at alle har kome seg ut av bussen og verkar uskadde.
