Skyting i Oslo – ein person funnen skada

Politiet fekk melding om ei skyting på Grønland i Oslo rett over klokka 03 natt til søndag.

Éin mann skal vere skada i skytinga, men det er uvisst kor skada han er. Han skal vere medviten.

– Det er mogleg å prate med han, men utover det kan eg ikkje seie noko meir om skadegrunn, seier operasjonsleiar Line Kapskarmo til NRK.

Politiet jobbar no med avhøyr av personar i området.

Gjerningspersonen er ikkje pågripen enno.

Det var VG som først meldte om saka.

– Det er ikkje grunn til å tru det er fare for bebuarar i området, skriv Oslo politidistrikt på X.