For tredje dag på rad blir det søkt etter sakna Christoffer Ordahl i Stryn. 30-åringen frå Risør la ut på fjelltur fredag føremiddag.
– Det er ein redningsaksjon. Vi leitar så lenge det er lys å leite i, og så lenge vi har håp om å finne han i live, seier innsatsleiar for politiet, Vidar Stavik.
Store styrkar har sidan måndag leitt i krevjande terreng etter Christoffer Ordahl. 30-åringen er frå Risør, men er busett i Arendal.
Etter ynskje frå familien til den sakna, gjekk politiet ut med bilete og namn tysdag kveld. Politiet ber også om tips frå publikum.