Greta Thunberg og demonstrantar sperrar vegen til Mongstad-anlegget
Mellom 150 og 200 demonstrantar sperrar vegen ned til oljeraffineriet til Equinor på Mongstad. Dette er ein varsla demonstrasjon mot olje- og gassnæringa som gruppa Extinction Rebellion står bak. Blant dei som deltek er den svenske klimaaktivisten Greta Thunberg. – Me er her fordi det er krystallklart at det ikkje finst noko framtid i olje. Fossilt brensel fører til død og øydelegging, og difor må me legga press på oljeprodusentar som Noreg, seier Thunberg. Equinor opplyser at dei har mobilisert beredskapsorganisasjonen sin i samråd med politiet for å handtera situasjonen. – Me har gjort tiltak for å sikra forsvarleg drift medan aksjonen pågår. Me har også bede tilsette som kan om å ha heimekontor, seier pressetalsperson Ellen Maria Skjelsbæk i Equinor til NRK. Drifta er så langt ikkje påverka av aksjonen. Mongstad-raffineriet er det største oljeraffineriet i Noreg. Det kan handtera rundt 12 millionar tonn råolje årleg, og produserer blant anna bensin, diesel og flydrivstoff, ifølgje Equinor.
Mellom 150 og 200 demonstrantar sperrar vegen ned til oljeraffineriet til Equinor på Mongstad. Dette er ein varsla demonstrasjon mot olje- og gassnæringa som gruppa Extinction Rebellion står bak.
Blant dei som deltek er den svenske klimaaktivisten Greta Thunberg.
– Me er her fordi det er krystallklart at det ikkje finst noko framtid i olje. Fossilt brensel fører til død og øydelegging, og difor må me legga press på oljeprodusentar som Noreg, seier Thunberg.
Equinor opplyser at dei har mobilisert beredskapsorganisasjonen sin i samråd med politiet for å handtera situasjonen.
– Me har gjort tiltak for å sikra forsvarleg drift medan aksjonen pågår. Me har også bede tilsette som kan om å ha heimekontor, seier pressetalsperson Ellen Maria Skjelsbæk i Equinor til NRK. Drifta er så langt ikkje påverka av aksjonen.
Mongstad-raffineriet er det største oljeraffineriet i Noreg. Det kan handtera rundt 12 millionar tonn råolje årleg, og produserer blant anna bensin, diesel og flydrivstoff, ifølgje Equinor.
