Bilist skal ha køyrt inn i folkemengde i New Orleans

Ein bilist skal ha køyrt inn i ei folkemengde i Bourbon Street i New Orleans i USA, rapporterer den lokale TV-kanalen WGNO.

Bourbon Street er ein populær samlingsstad i eit travelt turistområde.

WGNO skriv at fleire personar er døde, og ein reporter frå CBS News fortel at fleire skadde personar låg på bakken.

Vitne fortel CBS-reporteren at sjåføren køyrde inn i folkemengda, før han gjekk ut av bilen og skaut rundt seg. Deretter skaut politiet tilbake, ifølge vitna.

Ifølge WGNO køyrde bilen inn i ei folkemengde klokka 03.15 lokal tid.

Webkamerabilde frå gata viser at det var eit stort politioppbod i området.