Lakseoppdrettsgiganten Mowi og milliardær John Fredriksen saksøkte i fjor staten. Dei meiner at lakseskatten er eit brot på Grunnlova og EØS-reglane.
No har Hordaland tingrett avvist søksmålet.
Staten meiner Mowi må vente til dei har eit konkret skattevedtak å klage på, og at det ikkje er grunnlag for å gå til søksmål mot eit vedtak frå Stortinget. Det er Hordaland tingrett samd i.
– Tingretten har, etter staten sitt syn, kome til eit riktig resultat. Dersom denne avgjerda blir ståande, betyr det at saka stoppar opp i rettssystemet i denne omgang, seier Regjeringsadvokat Fredrik Sejersted.
Begge partar har no ein månad til å vurdere om ein vil anke avgjerda til lagmannsretten.
English (US)