Tvinnereim (Sp) trekker seg om nestleiar
Anne Beathe Tvinnereim, som nyleg gjekk av som bistands- og utviklingsminister, gir seg som nestleiar i Senterpartiet (Sp). På landsmøtet i mars vil ho ikkje søke attval, skriv ho i ei melding til NRK. Ho har vore nestleiar i partiet i ti og eit halvt år, og varsla i starten av januar at ho ønskja attval. Men no har ho snudd. – No er det riktig for meg å varsle at eg likevel ikkje tar attval på landsmøtet i mars. Å vere del av partileiinga inneber mykje arbeid i helgar og kveldar på toppen av annan jobb, skriv Tvinnereim, som no skal tilbake til sin «vanlege» 9-16-jobb. Sp har berre hatt Tvinnereim som nestleiar, sidan Ola Borten Moe trekte seg frå rolla etter aksjesaka i juli i 2023. Dermed er det opent for to kandidatar å få nestleiarverv i partiet etter landsmøtet. Både tidlegare justisminister Emilie Enger Mehl og tidlegare landbruksminister Sandra Borch har tidlegare vore lanserte som aktuelle kandidatar. Onsdag fekk Mehl ein framskott posisjon som partiet sin finanspolitiske talsperson. Ho ønskjer ikkje å kommentere om nestleiarvervet er aktuelt for ho torsdag kveld. Men ifølgje fleire fylkesleiarar Nationen har snakka med torsdag, peiker fleire på tidlegare forsvarsminister Bjørn Arild Gram. – Eg er spelt inn som mogleg nestleiar av blant anna Trøndelag Sp tidlegare, og er open for det dersom partiet ønskjer det, og det blir sett saman eit godt team som kan leie partiet saman framover, skriv Gram i ein SMS til NRK.
Anne Beathe Tvinnereim, som nyleg gjekk av som bistands- og utviklingsminister, gir seg som nestleiar i Senterpartiet (Sp).
På landsmøtet i mars vil ho ikkje søke attval, skriv ho i ei melding til NRK. Ho har vore nestleiar i partiet i ti og eit halvt år, og varsla i starten av januar at ho ønskja attval. Men no har ho snudd.
– No er det riktig for meg å varsle at eg likevel ikkje tar attval på landsmøtet i mars. Å vere del av partileiinga inneber mykje arbeid i helgar og kveldar på toppen av annan jobb, skriv Tvinnereim, som no skal tilbake til sin «vanlege» 9-16-jobb.
Sp har berre hatt Tvinnereim som nestleiar, sidan Ola Borten Moe trekte seg frå rolla etter aksjesaka i juli i 2023.
Dermed er det opent for to kandidatar å få nestleiarverv i partiet etter landsmøtet. Både tidlegare justisminister Emilie Enger Mehl og tidlegare landbruksminister Sandra Borch har tidlegare vore lanserte som aktuelle kandidatar.
Onsdag fekk Mehl ein framskott posisjon som partiet sin finanspolitiske talsperson. Ho ønskjer ikkje å kommentere om nestleiarvervet er aktuelt for ho torsdag kveld.
Men ifølgje fleire fylkesleiarar Nationen har snakka med torsdag, peiker fleire på tidlegare forsvarsminister Bjørn Arild Gram.
– Eg er spelt inn som mogleg nestleiar av blant anna Trøndelag Sp tidlegare, og er open for det dersom partiet ønskjer det, og det blir sett saman eit godt team som kan leie partiet saman framover, skriv Gram i ein SMS til NRK.
