Mbappé melder gamleklubben PSG for mobbing
Den franske fotballstjerna Kylian Mbappé rettar nye skuldingar mot Paris Saint-Germain. Bakteppet er ein langvarig krangel om uteståande lønn. Torsdag opplyser påtalemakta i Paris til nyheitsbyrået AFP at Mbappé har meldt PSG for det som blir omtalt som moralsk trakassering. Mbappé har stått i ein lang rettsstrid med gamleklubben. Han meiner å ha til gode 55 millionar euro, tilsvarande 647,8 millionar kroner, i ubetalte lønningar og bonusar frå PSG. Meldinga som er levert er knytt til måten han blei behandla på av klubben i starten av 2023-24-sesongen. Han påstår at han ikkje fekk trene på vanleg måte, men blei tvungen å trene med spelarar klubben prøvde å kvitte seg med. Franskmannen hevdar han blei plassert på sidelinja av klubben etter å ha nekta å forhandle fram ein ny og forlenga kontrakt. 26-åringen slutta i PSG i fjor til fordel for Real Madrid. Han hadde då spelt sju sesongar med Paris. (NTB)
Den franske fotballstjerna Kylian Mbappé rettar nye skuldingar mot Paris Saint-Germain. Bakteppet er ein langvarig krangel om uteståande lønn.
Torsdag opplyser påtalemakta i Paris til nyheitsbyrået AFP at Mbappé har meldt PSG for det som blir omtalt som moralsk trakassering.
Mbappé har stått i ein lang rettsstrid med gamleklubben. Han meiner å ha til gode 55 millionar euro, tilsvarande 647,8 millionar kroner, i ubetalte lønningar og bonusar frå PSG.
Meldinga som er levert er knytt til måten han blei behandla på av klubben i starten av 2023-24-sesongen. Han påstår at han ikkje fekk trene på vanleg måte, men blei tvungen å trene med spelarar klubben prøvde å kvitte seg med.
Franskmannen hevdar han blei plassert på sidelinja av klubben etter å ha nekta å forhandle fram ein ny og forlenga kontrakt.
26-åringen slutta i PSG i fjor til fordel for Real Madrid. Han hadde då spelt sju sesongar med Paris.
(NTB)
