Ingebrigtsen klar for VM-finale: Intervju overraskar
Jakob Ingebrigtsen (24) vann forsøket på 1500 meter i innandørs-VM i Kina på tida 3.39.80. – Jobben er gjort. Eg trur ikkje er diska. Så det må vere godkjent i dag. Det handlar om å kome seg vidare til finale og ikkje gjere noko dumt, seier Ingebrigtsen til NRK rett etter målgang. 40 sekund tok det frå Ingebrigtsen gjekk i mål til han stod klar til intervju med NRK. – Det er utruleg at han kan gjere eit intervju så kjapt etter å ha sprunge 3.39 og vere så lite andpusten, seier friidrettskommentator i NRK Jann Post. – Ja, det er heilt fascinerande, legg friidrettsekspert Christina Vukicevic Demidov til. Ingebrigtsen heldt seg roleg lenge i heatet ved å ligge bakarst, men da det stod att 250 meter sette han på turboen. – Det er jo eit VM, så ein skal ikkje tulle. Eg prøver å springe på litt margin og teste om beina funkar og det gjer dei, fortel han. På spørsmål om han tar sitt første VM-gull i innandørsmeisterskap kryssar Ingebrigtsen fingrane og seier: – Det får me håpe. Eg er klar i kvart fall. Ingebrigtsen kjem frå EM-gull på distansen tidlegare i mars. 13.15 på sundag er finalen, og Ingebrigtsen er den store favoritten. Den kan du sjå på NRK 1. Ingebrigtsen skal også springe 3000 meter. Finalen er 12.33 på laurdag.
Jakob Ingebrigtsen (24) vann forsøket på 1500 meter i innandørs-VM i Kina på tida 3.39.80.
– Jobben er gjort. Eg trur ikkje er diska. Så det må vere godkjent i dag. Det handlar om å kome seg vidare til finale og ikkje gjere noko dumt, seier Ingebrigtsen til NRK rett etter målgang.
40 sekund tok det frå Ingebrigtsen gjekk i mål til han stod klar til intervju med NRK.
– Det er utruleg at han kan gjere eit intervju så kjapt etter å ha sprunge 3.39 og vere så lite andpusten, seier friidrettskommentator i NRK Jann Post.
– Ja, det er heilt fascinerande, legg friidrettsekspert Christina Vukicevic Demidov til.
Ingebrigtsen heldt seg roleg lenge i heatet ved å ligge bakarst, men da det stod att 250 meter sette han på turboen.
– Det er jo eit VM, så ein skal ikkje tulle. Eg prøver å springe på litt margin og teste om beina funkar og det gjer dei, fortel han.
På spørsmål om han tar sitt første VM-gull i innandørsmeisterskap kryssar Ingebrigtsen fingrane og seier:
– Det får me håpe. Eg er klar i kvart fall.
Ingebrigtsen kjem frå EM-gull på distansen tidlegare i mars. 13.15 på sundag er finalen, og Ingebrigtsen er den store favoritten. Den kan du sjå på NRK 1.
Ingebrigtsen skal også springe 3000 meter. Finalen er 12.33 på laurdag.
