Ambjørnsen har flytta heim
Forfattaren Ingvar Ambjørnsen (68) har flytta heim til Noreg etter over 40 år i Hamburg. Det melder VG. – Ja, eg har flytta tilbake, stadfestar Ambjørnsen på telefon til VG. Han har lenge vore open om sin eigen kols-diagnose og seier til VG at han er avhengig av tilsyn og oksygen. Ambjørnsen har i mange år vore ein av landets mest kjende forfattarar. Han er kjend for romanar som «Hvite niggere», «Døden på Oslo S» og bøkene om Elling.
