Den europeiske sentralbanken kuttar renta igjen
Den europeiske sentralbanken (ESB) set ned renta med 0,25 prosentpoeng, til 2,25 prosent. Til samanlikning er styringsrenta i Noreg på 4,5 prosent. Eit fleirtal av økonomane hadde venta rentekutt frå ESB i dag. Årsaka er at prisveksten i eurosonen, landa som har euro som valuta, har gått ned jamnt og trutt den siste tida. I mars var prisveksten på 2,2 prosent, målt mot same månad i fjor. ESB har som Noregs Bank eit mål om ein prisvekst på kring 2 prosent over tid. Også USAs president Donald Trump har venta spent på renteavgjerda frå ESB torsdag. I eit innlegg på Truth Social har han langa ut mot den amerikanske sentralbanksjefen, som i mars valte å halde renta i USA uendra i intervallet 4,25-4,50 prosent.
Den europeiske sentralbanken (ESB) set ned renta med 0,25 prosentpoeng, til 2,25 prosent.
Til samanlikning er styringsrenta i Noreg på 4,5 prosent.
Eit fleirtal av økonomane hadde venta rentekutt frå ESB i dag. Årsaka er at prisveksten i eurosonen, landa som har euro som valuta, har gått ned jamnt og trutt den siste tida.
I mars var prisveksten på 2,2 prosent, målt mot same månad i fjor.
ESB har som Noregs Bank eit mål om ein prisvekst på kring 2 prosent over tid.
Også USAs president Donald Trump har venta spent på renteavgjerda frå ESB torsdag. I eit innlegg på Truth Social har han langa ut mot den amerikanske sentralbanksjefen, som i mars valte å halde renta i USA uendra i intervallet 4,25-4,50 prosent.
