To personar døde etter brann i Tønsberg

To personar omkom i ein brann i eit rekkehus på Eik i Tønsberg måndag morgon.

Det blei også funne tre døde hundar i bustaden.

Politiet melde om brannen like før klokka 08. Det var ei stund spreiingsfare til nabohus.

I ei oppdatering litt etter klokka 08.30 blei det opplyst at brannen ikkje hadde spreidd seg.

Klokka 09.30 opplyste politiet at brannen var sløkt. Brannvesenet held fram med ettersløkking på staden.

Foto: Peder Gjersøe