Den italienske motedesignaren Giorgio Armani er død

Det er nyheitsbyrået Reuters som melder om dødsfallet.

– Med uendeleg sorg kunngjer Armani Group bortgangen til sin skapar, grunnleggjar og utrettelege drivkraft: Giorgio Armani, heiter det i ei fråsegn frå selskapet.

Armani døydde omgitt av sine næraste, ifølgje uttalen.

Vogue: Armani forandra moteverda

Motemagasinet Vogue beskriv Armani som «den mest suksessfulle italienske motedesignaren i historia».

Han jobba heilt til han døde, og sjekka alltid kvart einaste antrekk sjølv før visningar, skriv magasinet.

Vidare skriv Vogue at Armanis mantra var «Perfeksjonisme, og behovet for å alltid ha nye mål og å gjennomføra dei, er eit tankesett som gir livet djup meining.»

Armani forandra moteverda, ifølgje Vogue.

Armani var ein av dei mest markante skikkelsane innan moderne italiensk stil.

40 år gammail i 1975, oppretta han sitt eiga selskap. Før det jobba han for den italienske designaren Nino Cerruti.

Berre sju år seinare, i 1982, pryda han forsida av anerkjente Time Magazine. Det representerte ei enorm kulturell anerkjenning, skriv Vogue.

Sjå eit utval bileta frå livet til Armani:

I dag har imperiumet hans ei ei årleg omsetning på rundt 2,3 milliardar euro. Det tilsvarar 2,7 milliardar dollar.

Hans eigen personlege formue er rekna til 11 milliardar dollar.

Grunnla selskapet med ein partnar

Armani blei fødd i 1934 i den nod-italienske byen Piacenza.

Han studerte fyrst medisin, før han tenestegjorde i militæret.

Han grunnla selskapet sitt med hans partner Sergio Galeotti. Galeotti døydde i 1985 av HIV.

– Kjærleik er eit for snevert omgrep. Det var ei djup deltaking i livet og i resten av verda, sa Armani til vanity Fair i 2000 om forholdet sitt med det han kalte for sin «livspartnar»