Skreifisket er i gang.
God tilgjengelegheit på torsk og fine vêrforhold for å fiske førte til at kystfiskeflåten leverte over 10.000 tonn for andre veka på rad, skriv Vesterålen Online.
Den største aktiviteten i torskefisket var det langs kysten av Vest-Finnmark, med ein auke i Lofoten frå førre veke, skriv Noregs Råfisklag i Fisknytt.
Lengst vest i Lofoten blir det framleis fiske mest sei og hyse.
Råfisklaget sin omsetnad i veke 10 er på 814 millionar kroner, ned frå 1.004 millionar kroner veka før. I veke 9 er omsetnaden den høgste nokon sinne i Råfisklaget si historie og første gong vekeomsetnaden passerer 1 milliard kroner.
Torskeprisen held seg framleis på eit historisk høgt nivå. Men det er forskjellar mellom distrikta:
• Torsken får lågast pris i Sør-Trøndelag med 55,41 kroner per kilo.
• Troms ligg høgst med 77,10 kroner per kilo.
• I Nordland er prisen høgst i Lofoten7Salten på 75,01 kroner kiloen.
• I Vesterålen kostar han 72,77 kroner, og på Helgeland 56,46.
English (US)