Vil støtte internasjonal skule i Bodø

Bodø kommune har blitt spurt om å støtte etablering av ein internasjonal skule i Bodø, med eit lån på tre millionar kroner, skriv Avisa Nordland.

Bodø International School (BOINT) har søkt kommunen om økonomisk bistand for etablering og berekraftig utvikling av ein internasjonal skule i Bodø.

For å realisere oppstart hausten 2025, er ekstern finansiering avgjerande, opplyser Kjell Hugvig, kommunedirektør, i saksframlegget som skal opp i formannskapet 30. april.

Aktørar som Nord universitet, Nordlandssjukehuset og Forsvaret har tidlegare signalisert behov for eit internasjonalt skuletilbod.

– Det er for å kunne rekruttere og halde på internasjonalt personale. Samtidig har aktørane avgrensa handingsrom for direkte økonomiske bidrag, heiter det.

Kommunedirektøren anbefalar at skulen blir tilbydd lån på tre millionar krone med rente- og avdragsfridom i fem år, finansiert gjennom kommunen sitt næringsfond.