Varslar store snømengder i Nord-Noreg

Meteorologisk institutt varsla tysdag om at det kan kome ein del centimeter med snø dei neste sju dagane.

I Nord- og Midt-Norge kan det kome mellom 25 og 40 centimeter, medan det er venta mellom fem og 15 centimeter på Vestlandet.

Mest i nord

– Det er nord i landet det er mest nedbør i vente. Der går det over til å bli kaldare frå i morgon av, seier vakthavande meteorolog på Meteorologisk institutt, Marit Berger.

Særleg frå Lofoten og nordover er det venta snø. Berger seier det vil vere litt variasjon i snømengdene, og at det kan kome meir i ytre enn indre strøk.

Berger seier at det kan kome nedbør også på Vestlandet. Dette kan skje natt til fredag, men her er prognosane usikre.

– Snøbyene trekker lenger ned, så dei vil kome i Trøndelag og Møre og Romsdal utover fredagen. Det er moglegheit for meir snø frå Rogaland og heile vegen nordover. Mest kjem nok i nord. Det blir lite nedbør på Sør- og Austlandet, seier Berger om varselet til og med fredag.

SNØ: Tysdag neste veka er det venta snø i store delar av landet. Foto: Skjermdump / X

LAURDAG: Slik er snøvarselet på laurdag. Foto: Skjermdump / X

Meteorologen seier at det kan kome snø til helga på Sørlandet, og kanskje også Austlandet, men det er ikkje heilt sikkert.

– Stort sett kuldegrader

Generelt vil det bli kjøligare i store delar av Noreg dei neste dagane, men nokre stader kan også få raude grader.

– Lengst sør er det litt mildare. Der kjem det opp i nokre plussgrader på dagtid, i Kristiansand til dømes, seier Berger.

NEDBØR: I Nord-Noreg er det venta nedbør onsdag. Foto: Windy

– Det er litt mildare også på Vestlandet. I Bergen ligg det på plussgrader, og nedbøren fredag kan kome som regn. Det kan hende du må litt inn i landet og opp i høgda for at nedbøren skal vere kvit, legg ho til.

Årsaka til kuldegradene er eit høgtrykk som bygger seg opp over Jan Mayen.

– Det er med på å gje kjøligare luft innover Nord-Norge, og at det ikkje blir lågtrykka som kjem frå sørvest. Dei tar med seg mild luft ofte, mens no får dei meir nordleg og kjøligare luftstraum, seier Berger.