Brigader Tron Strand (48) blei utnemnd til generalmajor og Commander for Combined Air Operations Centre.
No er han altså sjef for det nye luftoperasjonssenteret til Nato.
Det opplyser regjeringa i ei pressemelding fredag. AN meldte om nyheita først.
Strand blei utnemnd i statsråd fredag. Det er 1. oktober 2025 at luftoperasjonssenteret blir etablert på Forsvarets base i Bodø.
48-åringen er utdanna jagerflygar, har gjennomført Luftkrigsskulen og har vidaregåande offiserutdanning gjennom sin Master of Business Administration, kombinert med modul fellesoperasjonar ved Forsvarets Høgskule.
Han gjennomførte høgare offiserutdanning gjennom sjefskurset på FHS.
English (US) ·