Evenes kommunestyre har vedtatt å samarbeide med Visit Narvik som destinasjonsselskap, etter ei jamn avstemming med 9 mot 8 stemmer, skriv Fremover.
Valet stod mellom Visit Narvik og Visit Lofoten.
Ordførar Terje Bartholsen (Ap) og varaordførar Skjalg Hamnes (Sp) ønskte heller Lofoten, men vart stemde ned – både i forsøket på å utsetje saka og i sjølve valet.
Avgjerda markerer slutten på ein prosess der både næringslivet og politikarane har vore delte.
Kommunedirektøren tilrådde Narvik, og ei spørjeundersøking blant lokale aktørar i næringslivet gav Narvik eit lite forsprang. Dei peika altså på Visit Narvik som den aktøren som best kunne representere kommunen.
Bartholsen seier han sjølvsagt respekterer kommunestyret si avgjerd og vil jobbe for eit godt samarbeid.
– Eg er heilt overbevist om at vi kjem til å ha eit godt samarbeid med Visit Narvik. Vi har samarbeida fint med dei tidlegare, seier han.
English (US) ·