Uvêret som råka fredag har ført til store materielle skadar rundt om i Midt-Noreg, med knuste campingvognar, stengde bruar og fleire tusen husstandar utan straum.
– Ein må vurdere sterkt om ein har behov for å bevege seg ute, skriv operasjonsleiar i politiet, Marie Fossen, som samtidig ber innbyggarar om å ta hensyn til vêret.
I Trøndelag er 21.100 kundar utan straum, fleire er også utan internett. Nettselskapet Tensio seier det er uvanleg mange trefall som fører til alle straumbrota.
– Det er utruleg at det ikkje har vore skade på folk, seier operasjonsleiar Marie Fossen i Trøndelag politidistrikt til Adresseavisen.
På Helgelandskysten er det framleis i underkant av 800 bustader utan straum.
I går kveld var 40.000 utan straum i Midt-Noreg totalt.
Tre campingvogner er tatt av vinde og knust til pinneved på Frøya.
Et tak i Sødalen på Frei i Kristiansund har løsnet i vinden.
En lastebilhenger er tatt av vinden i Spillum ved Namsos.
Et stort stilas har falt ned fra en bygning og ned i elva i Kjøpmannsgata i Trondheim.
Frøya Storhall er skadet som følge av uværet.
Butikken på Hitra må bruke alternativ inngang på grunn av vinden.
Et naust på Sistranda på Frøya står i fare for å bli tatt av vinden.
Takpapp har blåst av og landet på en bil i Trondheim.
Kan ikkje garantere straum
Trefalla i Trøndelag har omfamna spesielt Namsos- og Steinkjer-området. Tensio kan ikkje garantere at alle får tilbake straumen i dag heller.
Selskapet opplyser til NRK at dei har mykje mannskap ute og at rettsarbeid pågår for fullt.
Kommunikasjonsrådgivar i Tensio, Ole Marius Ingvaldsen, har ei viktig oppfordring til publikum:
– Viss de ser ein straumkabel som har blåst over ende, hald avstand og kontakt oss. Det kan vere farleg å kome for nær.
Stengde vegar og innstilte tog
På hovudfartsåra E6 over Saltfjellet har det vore stengt i natt på grunn av vêrforholda. Det er usikkert når vegen kan opne igjen, seier Vegtrafikksentralen.
Laurdag er også større delar av Nordlandsbanen stengt mellom Steinkjer og Bodø.
Det betyr at toget frå Bodø til Trondheim med avgang klokka 12.27 er innstilt. Det blir ikkje sett opp alternativ transport, ifølge SJ sine nettsider, som vil kome med ei ny oppdatering rundt klokka 15 laurdag.
Likeins er toget frå Trondheim til Bodø med avgang klokka 07.49 innstilt, utan alternativ transport. Årsaka er at det er venta store mengder nedbør.
Ny runde med regn
Vassføringa er venta rolegare den første delen av dagen på grunn av kaldare vêr, melder Noregs vassdrags- og energidirektorat (NVE).
Men i ettermiddag er det venta ei ny runde med regn i delar av Trøndelag og Nordland som igjen vil føre til aukande vassføring.
Store ismengder var på veg nedover i Saltdalselva fredag kveld.
Saltdal kommuneFrå natt til søndag er det igjen venta fare for flaum på oransje nivå i delar av Trøndelag og Nordland.
– Mykje is og snø i vassdraga gir i tillegg betydeleg oppstuving lokalt. Det har vore isgang fleire stader, seier flaumvakt Kristian Strand Nordtun i NVE til NTB.
Meteorologisk institutt har sendt ut farevarsel på gult nivå for jord-, sørpe- og flaumfare.
Publisert 18.01.2025, kl. 08.52
English (US)