USA har den siste tida trappa opp nærværet i Karibia og Stillehavet.
Bakgrunnen er «kampen mot narkotikasmugling», ifølge amerikanske myndigheiter.
Følg utviklinga mellom landa her:
I førre veke antyda USA sin president Donald Trump at han «no ser på land» etter å ha fått «havet veldig godt under kontroll», melder BBC.
– Vi har stoppa all narkotika frå å komme inn via sjøen. Om kort tid vil eg stanse narkotika frå å komme inn via land, sa Trump til journalistar i Det kvite hus.
Fredag avviser presidenten planane.
– Det er ikkje sant
Om bord på presidentflyet Air Force One møtte presidenten journalistar.
På spørsmål om han har bestemt seg for å angripe mål inne i landet, svarte presidenten:
– Nei, det er ikkje sant.
Det er uklart om Trump sitt svar betyr at USA utelukkar angrep mot Venezuela, eller om USA ikkje har tatt ei endeleg avgjerd om å angripe.
Trump avviser planar om å angripe inne i Venezuela.
Foto: SAMUEL CORUM / AFP / NTBDødelege angrep
Til no har USA angripe 14 båtar og har drepe 61 personar, melder Reuters.
USA hevdar at angrepa var retta mot smuglarar som frakta narkotika til USA.
Dette er ikkje bekrefta, og Trump-administrasjonen har ikkje lagt fram bevis for at påstanden stemmer.
Seks personar er drepne etter eit amerikansk angrep mot ein båt utanfor Venezuela. Det er det tredje angrepet mot slike båtar dei siste vekene.
Dei siste månadane har USA sendt fleire krigsskip og titusenvis av soldatar til Karibia.
Også det største hangarskipet i verda, USS Gerald S. Ford, er på plass utanfor Venezuela.
I tillegg har Trump gitt CIA lov til å gjennomføre hemmelege operasjonar mot Venezuela sin president Nicolás Maduro sitt regime.
Venezuela sin president Nicolás Maduro bad om fred.
Foto: Leonardo Fernandez Viloria / Reuters / NTBSjølv har Maduro oppfordra Trump til å stanse handlingane sine.
– Ja til fred, fred for alltid – ingen meiningslaus krig, ver så snill!
Det sa Maduro i førre veke under eit møte med fagforeiningar som støtter regimet hans.
Dette er Venezuela
- Et land i dyp krise
Venezuela er et av de største landene i Latin-Amerika og har i underkant av 30 millioner innbyggere. Landet har hatt store økonomiske og politiske problemer i årevis.
- Over 80 prosent av befolkningen lever i fattigdom, ifølge FN.
- Korrupsjon er utbredt, inflasjonen er skyhøy og lønningene lave.
- Mat er mangelvare og sykehus mangler medisiner.
- I tillegg er det farlig å kritisere regimet offentlig. De fleste av Maduros politiske motstandere er i fengsel.
- Nesten 8 millioner venezuelanere – hver fjerde innbygger – har rømt landet.
- En forhatt president
Nicolás Maduro har vært president i Venezuela siden 2013 og representerer landets sosialistiske parti. Han overtok makten da partifellen Hugo Chavéz døde.
Maduro ble raskt kjent for sin autoritære lederstil og for å slå hardt ned på regimekritikere.
Under fjorårets presidentvalg erklærte han valgseier til tross for at opposisjonen hevdet de fikk flest stemmer. Demonstranter tok til gatene og anklaget Maduro for å ha stjålet valget.
Mens land som Russland, Cuba og Bolivia tidlig gratulerte Maduro med en ny periode, har store deler av verdenssamfunnet aldri anerkjent valgresultatet som gyldig.
- En kontroversiell fredsprisvinner
Nylig ble opposisjonslederen María Corina Machado tildelt Nobels fredspris for sitt «utrettelige arbeid som fremmer demokratiske rettigheter for folket i Venezuela».
Da takket hun president Trump:
– Jeg dedikerer denne prisen til det lidende folket i Venezuela og til president Trump for hans avgjørende støtte til vår sak, uttalte hun.
Hun har siden fått kritikk for sine nære bånd til Trump og for å ikke ha tatt avstand fra de amerikanske angrepene utenfor Venezuela.
Machado fronter den høyreorienterte opposisjonen som Maduro erklærte valgseier over i fjor. Selv lever hun i skjul og leder opposisjonen fra et hemmelig sted.
– Ikkje berre ein anti-narkotikaaksjon
Angrep på narkotikabåtar utanfor kysten av Venezuela er ikkje nytt, men fentanyl, som er hovudfokuset til Trump, i hovudsak kjem til USA via Mexico.
Det forklarar Sør-Amerika-ekspert Vegard Bye til NRK.
Det har den siste tida vore protestar i hovudstaden Caracas mot USA si opptrapping utanfor kysten til Venezuela. Demonstrantane er positive til Maduro sitt regime. Biletet er tatt 30. oktober.
Foto: Ariana Cubillos / AP / NTBAv kokain er det berre om lag 8 prosent av stoffet som blir frakta med båt frå Venezuela – då hovudsakleg frå vestkysten mot Stillehavet. Venezuela grensar mot Atlanterhavet.
– Før ønskte ikkje dei militære å ha denne rolla. Dei kunne ta kontroll over båtar og levere dei vidare til narkotikapolitiet. No er det openbert ein heilt anna agenda, seier Bye.
Høyr Urix-podkasten om situasjonen i Venezuela:
Bye meiner USA viser militærmakt for å legge press på Maduro, og åtvarar mot faren for eskalering.
– Eg trur USA prøver å provosere fram interne motsetnader i Venezuela, seier han.
Ifølge Bye kan eit militært inngrep få katastrofale følger og føre til borgarkrig.
Bye meiner det amerikanske militæret ikkje ønsker ein slik konflikt, og viser til at leiaren for USAs South Command no går av.
– Dette er ei politisk ønskt sak, ikkje berre ein anti-narkotikaaksjon, seier han.
Interessert i meir frå utanriks? Høyr siste podkast-episode her:
Publisert 31.10.2025, kl. 23.51
English (US) ·