Har venta på at faren skal komme heim

Tobarnsfaren Omri Miran er det eldste av dei attlevande gislane. Han blei bortført frå kibbutzen sin, som ligg nær Gazastripa.

Måndag feira familien hans at han endeleg var heime igjen.

– Etter over 700 lange, smertefulle og pinefulle dagar, skal Omri endeleg få ein lækjande omfamning av Roni og Alma, skriv dei i ei melding, og viser til dei to døtrene hans.

Bortføringa hans blei overført direkte på nett.

Videoen viste at Miran og kona, Lishay Miran-Lavi, blei dregne ut av tilfluktsrommet dei hadde i huset, skriv The Jerusalem Post.

Hamas tok berre med seg Miran til Gaza, medan kona og barna blei verande igjen.

Det siste livsteiknet frå Miran før han blei sett fri måndag, var i ein video som blei publisert i april i år, skriv Haaretz.

Miran-Lavi har vore framståande i demonstrasjonane som har kravd at den israelske regjeringa må gjere meir for å få sett fri alle gislane.

I august leia ho ein landsomfattande streik og massedemonstrasjonar der hundretusenvis av israelarar gjekk ut i gatene og kravde ein avtale.

Heile familien blei teken

David Cunio (35) vart kidnappa saman med sin kone og deira to tvillingdøtrer frå kibbutzen Nir Oz 7. oktober 2023.

Døtrene Emma og Yuli fylte nettopp fem år og ventar på å få sjå faren sin igjen, etter to år i Hamas fangenskap.

– Jentene spør kvar dag, «Når kjem pappa heim frå Gaza?». De trenger faren sin for å bli heil igjen, sa kona Sharon Aloni Cunio til Reuters.

For to år sidan angrep Hamas kibbutzen Nir Oz og kidnappa ein fjerdedel av byens befolkning. Cunios hus vart tent på, og David flykta med dottera Yuli, før de vart fanget av Hamas-soldatar i sivile klede, ifølge New York Times.

Familien vart sameina i fangenskap, men blei separert igjen da kona og døtrene vart utlevert i november 2023.

– Eg er oppslukt av ein lengsel for mannen eg elskar, for den eine eg ikkje kan leve utan. Kvar einaste dag han ikkje kjem tilbake, blir såret deira og mitt djupare.

Bilete viser at Cunio-brørne er lauslate av Hamas og er tilbake att i Israel. Snart er de sameint med familien sin.

Tvillingbrør frigitt

Ziv og Gali Berman blei kidnappa frå ein kibbutz under Hamas-angrepet 7. oktober. Begge budde og jobba i kibbutzen.

– Dei gjorde alt saman, frå barnehagen til militæret. Dei er humørspreiarane i familien. Dei har tvillingstyrken, fortalde den eldre broren Liran til Haaretz.

Dei to blei tatte saman med vennen Emily Damari, som blei frigitt i januar.
I kibbutzane i Kfar Aza blei over 60 drepne, ifylgje Jerusalem Post.

Ingen av brørne blei skadde under kidnappinga, men Damari blei skotne i handa.

I februar opplyste tanta til brørne at familien hadde fått vite at dei var i live.
Det var da første livsteikn sidan november i 2023.

Blei haldne avskilte

I dagane etter angrepet, drog familien på fleire gravferder dagleg på jakt etter opplysningar om brørne. Over ei veke seinare fekk familien vite at brørne framleis var i live.

Tidlegare frigitte gislar har fortald at dei blei heldt fanga separat.

Trass i at brørne hadde ulike eigenskapar, var dei knytt tett saman med kjærleiken til Liverpool og hiphop.

Set fri palestinske fangar

Nesten 2000 palestinske fangar skal også settast fri frå israelske fengsel. Blant desse skal det vere 22 barn, melder BBC.

Namn og bilete på dei frigitte palestinarane er vanskelegare tilgjengeleg enn dei israelske fordi Israel ikkje vil sleppe inn journalistar til Gaza.

Måndag føremiddag gjekk dei første fangane frakta ut med bussar. I Ramallah på Vestbreidda hadde store folkemengder samla seg for å helse dei frigitte velkomne.

På ettermiddagen kom også bussane med frigitte palestinarar til byen Khan Younis sør på Gazastripa.

Forholda i dei israelske fengsla har fått kritikk blant anna frå den israelske menneskerettsorganisasjonen B'Tselem. Ifølge ein rapport organisasjonen kom med i fjor, blir palestinske fangar utsette for systematiske overgrep i fengsla.

Det israelske fengselsvesenet har tidlegare avvist desse opplysningane.

Krev at høgprofilerte personar blir sette fri

Namna på fangane som er sette fri, blei publisert av Hamas-drivne Prisoners Media Office måndag morgon.

Høgprofilerte personar som soner fleire livstidsdommar for dødelege angrep mot israelarar, som Marwan Barghouti og Ahmad Saadat, står ikkje på listene.

Hamas har kravd at også desse blir sette fri.

Israelske medium rapporterte i førre veke at rundt 100 av dei 250 blir frigitt til den okkuperte Vestbreidda, 15 til det okkuperte Aust-Jerusalem, og 135 blir deporterte til Gazastripa og andre stader.

Palestinsk mann arrestert saman med sonen

Yasser Abu Azzoum fortel Al Jazeera at han blei arrestert saman med sonen da dei oppheldt seg i ein flyktningleir i 2023.

– Eg har ikkje sett han på to år. Gleda mi i dag er mykje større enn den var den dagen eg blei sett fri, seier faren, som bor i Khan Younis på Gazastripa.

No har han fått vite at sonen Mohammed (23) blir frigitt.

Kjensla er ubeskriveleg, seier faren.

– Eg klarer ikkje å snakke ordentleg fordi eg er overvelda av glede, seier han.

Abu Azzoum seier at kona hans fødde eit barn til mens den eldste sonen hans sat i fengsel.

– Vi skal bli gjenforeinte og vere resten av dagane våre i glede.