Det har vore ein sommar med svingande temperaturar. Folldal i Østerdalen brukar å vere blant vinnarane på kuldefronten.
I natt var det 0,6 grader både i Folldal og på målestasjonen ved Gaustatoppen i Telemark.
Dette blir meir og meir vanleg utover i august, seier statsmeteorolog Hanne Beate Skattør.
- For ikkje mange dagane sidan var det også tropenatt fleire plassar i landet:
Kuldekulpar
Målestasjonen i Folldal er ikkje veldig gamal, men begynte å registrere temperaturane i 2010.
Sidan den gong har det vore registrert minusgrader i august fleire gonger. I 2020 var det faktisk 5,4 minusgrader denne månaden, ifølge Norsk klimaservicesenter.
– Det er ein kuldekulp. Den kalde lufta vil falle litt ned i dalar og det blir kuldekulpar der det samlar seg, seier Skattør.
- I juli var det også mykje regn. På Austlandet vart årets julimånad den femte våtaste nokosinne registrert.
IKKJE UVANLEG: Ifølge meteorolog, Hanne Beate Skattør er det ikkje heilt uvanleg at gradene kryp nedover i august. Folldal er som regel blant dei kaldaste plassane.
Det er heller ikkje første gongen denne sommaren at gradene har sokke mot dei blå gradene.
– Natt til torsdag 1. august var det minus 1,5. Det er ikkje heilt uvanleg altså, seier meteorologen.
Gaustatoppen har også hatt minusgrader fleire gonger i løpet av denne sommaren. Det var nede i 5,3 minusgrader tidleg i juni i år.
- Kvar dag er millionar innom vêrtenesta, Yr:
Publisert 19.08.2024, kl. 08.28
English (US)