Ein mann frå Lofoten må i fengsel etter å ha blitt dømt for å oppbevare filmar som viser seksuelle overgrep mot barn, skriv Lofotposten.
Mannen stod tiltalt i Salten og Lofoten tingrett etter straffelovas paragraf 311 for å ha oppbevart totalt 1734 unike filmar.
Total speletid var på om lag 247 timar og 35 minutt som viste barn i seksuell positur og barn i seksuell omgang med andre barn og vaksne. Det var etter ransaking av mannen si leilegheit i 2021 at politiet la beslag på ei rekke dataeiningar.
Mannen erkjente seg skuldig etter tiltalebeslutninga. Han forklarte i retten at han hadde lasta ned ordinære spelefilmar gjennom eit fildelingsprogram og at det i samanheng med denne neslastinga samtidig vart lasta ned filmar som inneheldt overgrepsmateriale.
Tiltalte forklarte at han var klar over dette, men at han ikkje har hatt fullstendig oversikt.
Retten trudde han ikkje på dette og fann mannen skuldig etter tiltalen. Mannen blei dømt til fengsel i ti månader. I utgangspunktet meinte retten at riktig straff er eitt år og fire månader ubetinga fengsel, men i formildande retning peika retten på at det er nesten fire år sidan tiltalte blei meldt til politiet. Han fekk derfor ein reduksjon på nær 40 prosent.
English (US) ·