Ein kval har torsdag morgon skylt opp på land ved Sildhopvika i Sørfold, melder Avisa Nordland.
Det var Rune Skaug som var ute med båten i området, før han oppdaga at kvalen låg på land. Då snudde han, henta bilen og kom seg dit.
Politiet og kommunen er kontakta i eit forsøk på å redde kvalen.
– Vi prøver å helle vatn på han slik at vi held han i live, seier Skaug til avisa.
Det skal vere snakk om ein vågekval.
Forskar og veterinær Kathrine Albertine Ryeng fortel at såpass store kvalar ofte søker til land fordi dei er sjuke. Då er det følgeleg ofte også ein dårleg prognose.
Ho fråråder folk å redde dyr med å trekke dei ut på havet på eiga hand. Det kan skrape opp skinnet og er ikkje i tråd med god dyrevelferd, ifølge ho.
Folk på staden hell vatn over kvalen, ifølge avisa. Det gir lindrande behandling. Dessverre er det lite ein kan gjere, anna enn å gjere det best mogleg for dei, seier Ryeng til avisa.
English (US) ·