Hydro skal kutte 750 tilsette

I tillegg skal selskapet kutte kostnader på ein milliard kroner årleg, går det fram av ei børsmelding.

Selskapet skriv at dei gjer det for å gjere selskapet «betre rusta for framtida».

– Ved å ta dette grepet no, gjer vi Hydro betre rusta til å handtere usikkerheit og posisjonerer selskapet for å lukkast i ei verd der geopolitisk uro skaper auka volatilitet og nye risikofaktorar, seier konsernsjef Eivind Kallevik.

Det er 750 stillingar innan kontor- og støttefunksjonar som skal kuttast. Det dreier seg om stab- og støttefunksjonar, ingeniørroller og tekniske fagområde, sal og marknad, logistikk og IT.

Bemanninga skal ned med 600 tilsette allereie innan utgangen av året.

Både E24 og DN omtalte saka først.