Dømd til 15 år forvaring i lagmannsretten etter valdtekt av fleire mindreårige

Av dei 20 fornærma er åtte under 14 år. Det er både jenter og gutar, fysiske overgrep mot seks av dei fornærma og handlingar som har skjedd over nett.

Dei eldste overgrepa skjedde for tjue år sidan, dei nyaste like før han blei pågripen i februar 2023.

Det alvorlegaste forholdet er fleire grove valdtekter av ei jente som var 13 år da det starta.

Anka dommen frå tingretten

40-åringen har erkjent straffskyld for valdtekter og seksuell omgang med nesten alle de fornærma.

Mannen blei først dømd til 15 år forvaring i tingretten, men anka dommen. No er han dømd til den same fengselsstraffa også i lagmannsretten.

– Skuldspørsmålet er endeleg avgjord ved Trøndelag tingretts dom, står det i dommen frå lagmannsretten.

Både dommen frå lagmannsretten og den tidlegare dommen frå tingretten var einstemmig.

Det var Trønder-Avisa som meldte om dommen frå lagmannsretten først.

Vektlegg samfunnet si sikkerheit

Under rettssaka i Trøndelag tingrett la dei rettspsykologisk sakkunnige at mannen i 40-åra har dyssosial personlegdomsforstyrring og pedofili.

– Dette er ein veldig uheldig kombinasjon i forbindelse med gjentakingsfaren.

Det sa aktor Hans Vang i tingretten.

– Det er kynisk manipulasjon nærmast utan sidestykke.

Både aktor og dei sakkunnige meiner det er risiko for gjentatte seksuelle overgrep frå tiltalte.

– Eg er tilfreds med at også lagmannsretten følger med påtalemakta sitt syn på saka, seier Vang.

– Også lagmannsretten legger til grunn samfunnets sikkerheit nå og i framtida, legg han til.

Tidlegare dømd

Mannen er også tidlegare dømd for to seksuallovbrot.

I 2012 blei han dømd for å ha hatt seksuell omgang med ei jente under 16 år.

I 2014 blei han dømd for å ha bilete og videoar som visar seksuelle overgrep mot barn. Politiet fann den gongen 550 bilete og 75 filmar. Han blei også dømd for å filme nakne jenter i dusjen, på soverommet hans og medan dei var på toalettet. I tillegg blei han dømt for å ha sendt bilete av sin erigerte penis til ei jente under 16 år.

Ifølge fastlegen til tiltalte skal han sjølv ha blitt utsett for seksuelt overgrep frå ein tilsett på ein institusjon i barne- og ungdomspsykiatrien.