Difor forliste Argos Georgia

Den norskeigde langlinefartøyet forliste på veg frå Port Stanley på Falklandsøyane til fiskefelta utanfor Sør-Georgia då båten gjekk ned i ein kraftig storm.

Ni av mannskapet på 27 personar overlevde. 13 vart stadfesta omkomne, medan fem personar framleis er sakna. Ingen av mannskapet var nordmenn.

Undersøkinga som den britiske havarikommisjonen er i gang med, viser at ei skalddør på styrbord side fall sakte ned i heilt open posisjon. Dette gjorde at betydeleg mengd vatn fossa inn i båten.

Britiske styresmakter rår no eigarar, operatørar og skipperar av fiskefartøy utstyrt med sideskaldører til å snarast sikre passande og tilstrekkeleg risikovurderinga av vasstett integritet, skriv dei i rapporten.

Fiskeribladet melde om rapporten først.

Argos Georgia var på veg mot Rosshavet for fiske etter sokalla patagonisk tannfisk, då den fekk problem kring 370 kilometer aust for Falklandsøyane.

Om bord var eit mannskap frå Spania (10), Uruguay (2), Peru (2), Indonesia (5) og Russland (8).

Naudsignalet kom først til den norske redningssentralen, som igjen kontakta redningssentralen på Falklandsøyane som styrte redningsarbeidet.

Redningsarbeidet var krevjande med vind opp mot 65 knop og rundt ti meter høge bølgjer. Kring ei veke etter ulukka vart søket etter sakna avslutta.

Det vart tidleg klart at den britiske havarikommisjonen skulle undersøke ulukka på vegner av styresmaktene i St. Helena, der Argos Georgia hadde hamn.

Undersøkingane har avdekka noko av dramatikken som fann stad om bord i linebåten. Medan sideskaldøra sakte men sikkert opna seg, makta ikkje mannskapet å lukke denne.

Mannskapet makta heller ikkje å stenge dørene som kunne hindra vatnet i å fosse vidare inn båten.