Det er ikkje meininga å samanlikne norske sjukmelde med Maga-fansen. Men ...

Illustrasjon: Christian Bloom

Det er ikkje meininga å samanlikne norske sjukmelde med Maga-fansen. Men skal me ta nokon som helst lærdom frå USA-valet, så må det vere at politikarar ikkje kjem langt med å kaste skam på folk.

Ein valkamp som går ut på å reise rundt saman med andre rike, vellykka og vakre menneske for å snakke om glede og abort? «Dette kan umogleg gå bra, men dei veit sikkert kva dei driv med ... », var det nok fleire enn eg som tenkte.

Resultatet kjenner me jo. Når Donald Trump i dag igjen skal forsikre folket sitt om at han vil gjere sitt ytterste for å beskytte den amerikanske grunnlova, med landets rikaste mørkemenn logrande i publikum, er det etter eit val der han altså auka oppslutninga i alle demografiske grupper.