Hålogalandsbrua på E6 i Narvik skal gjennomgå reperasjon av asfalt. Derfor blir det avgrensingar i trafikken frå måndag 25. august klokka 19:00 og i tre veker framover.
Det skriv Statens vegvesen i ei pressemelding.
Trafikantane må gå ut frå at det blir ventetid, ettersom det blir berre eitt køyrefelt over brua. Trafikken vil følge leiebil i arbeidstid, og lysregulering utanfor arbeidstid.
– Vi forstår at trafikkreguleringa blir belastande for dei som bur i Narvik og for gjennomgangstrafikken, men alternativet var å stenge brua heilt. Då kunne vi ha gjennomført arbeidet raskare, men det ville ha fått større konsekvensar for trafikantane, seier prosjektleiar Per Kåre Olsen i Statens vegvesen.
Gang- og sykkelfeltet vil vere ope mens arbeidet på brua pågår.
English (US) ·