Kommunetoppar skryter av lokalbefolkninga etter Øksfjord-brannen

Brannsjef Ann-Kathrine Holst-Olsen fortel at det tok fem minutt frå brannen blei varsla til brannkonstablane var på plass.

– Vi starta utlegg av slangar, fekk mobilisert mannskapet og starta evakuering. Alt gjekk ganske saumlaust. Vi fekk også hjelp frå andre tilsette i kommunen. Det var til og med to som stilte for brann og redning utan å vere tilsett der. Folk har verkeleg stilt opp, og ein må berre gjere det ein må gjere.

– Kva var det viktigaste de gjorde med å få kontroll på brannen?

– Det var å unngå spreiing. Det var heilt avgjerande – og ikkje minst sikre at det ikkje blei eksplosjon.

I tillegg 6000 liter drivstoff var de både propanflasker, oksygentankar og fleire andre behaldarar med brannfarlege kjemikaliar i bygninga som brann.

– Vi har også passa på at nabohuset ikkje tok fyr, mellom anna for at brannen spreidde seg til butikken, seier Holst-Olsen.

Stengde sentrum

Politiet melde om brannen like etter klokka 14:30 torsdag ettermiddag. Då blei det innført ei sikkerheitssone på éin kilometer frå brannstaden, noko som innebar at sentrum av Øksfjord i praksis var stengd for andre enn naudetatane.

To timar seinare hadde brannmannskapa så mykje kontroll at det ikkje lenger var fare for at brannen ville spreie seg.

Like etter klokka 19:00 kom meldinga frå politiet om at alle dei evakuerte kunne dra heim.

Lokalsamfunnet stilte opp

Ordførar Cato Kristiansen (SV) seier det var ganske kaotisk like etter at brannen starta.

– Takka vere eit godt lokalsamfunn og veldig mange dyktige frivillige klarte vi å evakuere ein sjukeheim, ein heil fabrikk og heile kommunehus på rekordtid.

Difor gir han all mogleg ros til alle som var involvert i evakueringsarbeidet, også kommune sitt eige kriseteam.

Han takkar også Alta kommune sitt brannvesen som rykka ut til brannen.

– Og tusen takk til Kvænangen for at dei stilte opp og Hasvik kommune som var klar til å hjelpe. Det setter vi stor pris på, for det kunne vore så mykje verre om det for eksempel hadde vore vind.

Roser dei frivillige

Kommunedirektør Inger Elisabeth Tvedt Mæland sluttar seg til rosen og seier mange frivillige stilte opp, mellom anna med å ta seg av dei som blei evakuert.

Fleire institusjonar for eldre og pleietrengande ligg i same område som bensinstasjonen som brann.

– De er blitt godt ivaretekne, seier ho.