Trump og Harris reiser vestover for å sanke latinamerikanske stemmer

Fem dagar før valet reiser både Kamala Harris og Donald Trump vestover for å vinne veljarar i vippestatane Nevada og Arizona.

Innvandring og grensekontroll vert sentrale tema i desse statane som grensar til Mexico, når presidentkandidatane prøver å nå ut til latinamerikanske veljarar.

Ein veljargruppe som utgjer 25 prosent av veljarane i Arizona og 20 prosent i Nevada, ifølgje amerikanske Pew Research Center.

Latinamerikanarar har tradisjonelt vore meir på linje med Demokratane, men den siste tida har målinga vist ei tydeleg dreiing i republikansk retning.

Jennifer Lopez oppmoda til å røyste

Harris heldt valkampkonsertar i Phoenix i Arizona og Las Vegas i Nevada. I tillegg tala ho i byen Reno i Nevada.

Med popstjerne og skodespelar Jennifer Lopez lokka ho veljarar med latinamerikansk bakgrunn over til Demokratane på scena i Las Vegas.

Lopez som har foreldre frå Puerto Rico, støtta Harris offentleg etter komikaren Tony Hinchcliffe kalla Puerto Rico ein «flytande søppeløy» under Trumps valmøte i Madison Square Garden i New York City sundag.

Lopez snakka mellom anna om kor viktig det er å bruke røysteretten.

– Eg har sett korleis makt verkar i dette landet. Dei elskar at de gjer ingenting. Å ikkje stemme er eit samtykke, sa Lopez.

– Di stemme er di makt, sa ho vidare.

I tillegg spelte banda Los Tigres del Norte og Maná, begge med røter frå Mexico.

Harris fokusert på helse, og åtvara veljarane om at Trump vil kutte i helsetilbod viss han vinn presidentvalet.

Ho viste til at han tidlegare har prøvd å forkaste Affordable Care Act, betre kjent som Obamacare under hans presidentperiode.

– Helsetilbod for alle amerikanarar står på spel i dette valet.

På sin plattform Truth Social, nekta Trump for å ha planar om å fjerne Obamacare.

Under ein TV-debatt i september at han kalla Obamacare for «dårleg helseomsorg».

Han har heller ikkje lagt fram eit konkret alternativ for programmet.

Trump heldt valmøte i «Demokratisk» stat

I tillegg til valmøte i Nevada og velgjerdsarrangement i Arizona besøkte Trump byen Albuquerque i New Mexico – ein stat som ikkje har hatt republikansk fleirtal sidan 2004.

Det er fyrste gong han besøker staten sidan valkampanjen i 2020.

I valkampmøte i Albuquerque spurde han dei frammøte om dei føretrekkjer å bli kalla for «Latinos» eller «Hispanics».

Målingar i New Mexico tyder på at Harris har fleirtal, men Trump forsøkte å vinne støtte frå latinamerikanske veljarar der.

– Eg elskar hispanics. Dei er hardtarbeidande, sa Trump, som tidlegare denne veka møtte motreaksjonar frå puertoricanarar etter ein rasistisk kommentar frå ein oppvarmingstalar, der Puerto Rico vart kalla ei «flytande øysøppel».

– Dei er varme – nokre gonger er dei for varme, om du vil vite sanninga, sa han.

I Arizona satsar Trump på at frustrasjonar over Biden- og Harris-administrasjonen sin innvandringspolitikk vil svinge grensestaten tilbake i hans favør etter at Biden slo Trump der i 2020.