Sørlending skoten og drepen i Mexico

Nordmannen blei ifølge meksikanske medium skoten og drepen i Mexico. Meksikansk politi seier det skjedde natt til fredag.

Mannen skal ha sete i ei drosje då han blei skoten på av to gjerningsmenn på ein motorsykkel. Det er førebels uklart kva motivet skal ha vore.

Politiet i Agder stadfestar overfor NRK at mannen er frå Sørlandet.

– Politiet i Agder er informert av Kripos om at ein norsk statsborgar i 50-åra, med bustadadresse i Agder, er funnen død. Dette er ikkje ei sak som blir etterforska i Agder og vi er difor berre informert om dødsfallet, skriv politiinspektør Terje Kaddeberg Skaar i ei melding til NRK.

Det var Fædrelandsvennen som først omtalte at mannen var frå Sørlandet.

Politiet ønsker ikkje å seie noko om kven mannen er, eller kvar i Agder han bur.