Rødts strid med seg sjølv

KOMMENTAR: Kor samarbeidsvillige eller motstraums skal Rødt vera for å bli ein maktfaktor i norsk politikk etter stortingsvalet?

Mímir Kristjánsson har leia programarbeidet i Rødt fram mot landsmøtet i helga. Her klemmar han partileiar Maria Sneve Martinussen - som blei einstemmig gjenvalt søndag. Foto: Fredrik Varfjell / NTB

Rødt er på mange måtar eit heilt marginalt parti: Bokstaveleg talt på ytste venstre fløy i norsk politikk. Med ein politikk som på mange område er både sær og motstraums. Med ei oppslutning på 4,7 prosent ved siste stortingsval og 5,4 prosent i snitt på meiningsmålingane så langt i år. 95 prosent av veljarane stemmer ikkje på Rødt.

Det er, med andre ord, særs liten sjanse for at det omfattande programmet Rødt vedtok på landsmøtet sitt denne helga kjem til å bli praktisk politikk i Norge med det første.