Norsk borgar sikta for lovbrot mot menneskeheita

Han blir framstilt varetektsfengsling i dag.

Ein norsk borgar med bakgrunn frå Kamerun er arrestert av norsk politi.

Kripos opplyser i ei pressemelding at mannen vart pågripen i går, i ein planlagd aksjon.

– Me er i ein tidleg fase av etterforskinga, og det er fleire etterforskingsskritt som står att, seier påtaleansvarleg i saka, Anette Berger, politiadvokat i Kripos.

Kripos meiner at den sikta har ei sentral rolle i ein pågåande væpna konflikt i Kamerun.

Mannen vert varetektsfengsla på grunn av fare for at bevis skal gå tapt.

– Noreg har eit internasjonalt ansvar for å sørge for at me ikkje er frihamn for personar som utfører krigsbrotsverk eller brotsverk mot menneskeslekta, seier Berger.

Ho seier vidare at det er første gong ein person i Noreg blir sikta for oppmodingar til brotsverk mot menneskeslekta.

– Han erkjenner ikkje straffskuld og meiner at siktinga baserer seg på ei uriktig forståing av situasjonen i Kamerun og hans rolle.

Det seier mannen sin forsvarar, Morten Engesbakk.

– Korleis forklarer han det han er sikta for?

– Eg vil ikkje gå inn i detaljer om det han forklarer, men han samarbeider med politiet og har gitt ei lang forklaring.