Kronprinsesse Mette-Marit startar behandling for kronisk lungesjukdom

Ifølgje pressemeldinga på Kongehusets nettsider startar Kronprinsesse Mette-Marit.

– Tidlegare erfaringar har vist at medisinane kan føre til biverknader som kan få konsekvensar for Kronprinsessens offisielle program. Derfor finn vi det naturleg å dele denne informasjonen i situasjonen vi står i, skriv Slottet i pressemeldinga.

Det er seks år sidan kronprinsessa fortalde at ho hadde fått påvist sjukdommen kronisk lungefibrose.

– Eg må lære meg å leve med usikkerheita, sa kronprinsessa då.

Lungefibrose er er ein sjukdom som medfører unormal arrdanning i lungeblærene.

I fjor møtte NRK møtte kronprinsessa, i samband med at ho fylte 50 år. Då beskreiv ho det som både sårt og tøft å ha fått påvist ein kronisk sjukdom.

– Det er mykje som er sårt og vanskeleg og tøft med det. Samtidig er det noko veldig fint med det, fordi du møter deg sjølv veldig. Ein er nøydd til å ta seg sjølv mykje meir på alvor. Og så må ein senke tempoet, som eg jo har gjort veldig, seier ho.