Kongen av Storbritannia tek snart opp att dei offentlege oppgåvene sine. Det skriv det britiske kongehuset i ei pressemelding fredag.
Kong Charles har vore lite ute i det offentlege sidan han starta behandling mot kreft i februar.
For å markera at kong Charles er attende, skal han og dronninga besøka eit kreftbehandlingssenter saman neste tysdag. Der skal dei møta spesialistar og pasientar.
Besøket blir det første av fleire eksterne oppdrag kong Charles skal gjennomføra dei neste vekene.
English (US)