Fem menn dømde for å ha forsynt Vestlandet med hasj

3 weeks ago 19

Påtalemakta meiner dei innførte over 800 kilo hasj til Norge. No er dei dømde til over 30 år i fengsel totalt.

NEDGRAVD: Her ligg hasj nedgravd i blå tønner på garden til Bjørn Dahl i Hardanger. Foto: Politiet

Publisert 17.02.2025 10:46

I haust møtte tre nordmenn og to litauiske menn i Hordaland tingrett.

Dei var tiltalt i ei av tidenes største hasj-saker på Vestlandet.

Påtalemakta meinte dei var del av ei «velsmurt» organisert kriminell gruppe som innførte og oppbevarte til saman 800 kilo med hasj.

Sentralt i smuglinga var småfly som landa på mindre flyplassar i Noreg for å lettare smugle stoffet inn.

Måndag 17. februar kom dommen:

Litauisk mann på 44 år: Erkjente delvis straffskuld. Var tiltalt for å ha overlevert 222,6 kg hasj til to personar i Danmark, som flaug det vidare til Tønsberg. Dømd til fengsel i seks år.

Litauisk mann på 35 år: Skal ha stått i Tønsberg og teke imot hasjen frå medtiltalt landsmann. Var tiltalt for innførsel av totalt 500 kg hasj til Norge. Nekta straffskuld. Dømd til fengsel i fem år og åtte månadar.

Nordmann (47): Busett i Midthordland. Var tiltalt for ervering og oppbevaring av til saman 307 kg hasj. Nekta straffskuld. Dømd til fengsel i åtte år.

Nordmann (67): Frå Rogaland. Tiltalt for å ha erverva og oppbevart til saman 230 kg hasj. Erkjente delvis straffskuld. Dømd til fengsel i fem år og ni månadar.

Til slutt han som stod fram med namn og bilete i fleire medier, inkludert TV 2. Bjørn Dahl var tiltalt for oppbevaring av 94 kg hasj på garden sin. Dømd til fem års fengsel.

– Det er han sterkt ueinig i og eg kan seie allereie no at det vil komme ei anke, seier Dahl sin forsvarar Rune Håkon Tjomsland til Bergens Tidende.

Dahl vart derimot frikjend for medverknad til sal av seks kilo hasj.